某日，一心發現了一隻巨大的機械手，經過碳化驗測試，證實此乃遠古高科技文明的遺物。於是，一心決定成立早乙女研究所，重新建造這個遠古機械人...

故事就這樣開始了...
（待續）

好似好耐無擺帶金帶銀的相出來，今日就Update下啦。 

藍色的毛巾被被是海、橙色的被被是地毯、綠的的冷氣被被是土地，黃色的Cushion是梳化；我們活在一個色彩繽紛的家裡。

就是喜歡兩隻貓貓一起依偎在那小小的冷氣被上，感覺像同舟共儕。

那天，在家炮製了一餐Brunch。

突然心血來潮，很想知道之前醃的醉雞能否應用在其他Fushion菜色上，於是參考了一些凍頭盤的做法，打算把醉雞Crossover多士...

牛油果乳酪 大蝦／醉雞凍切 多士 配 碎蛋薯仔沙律

白汁大蝦意粉 拼香煎翠肉瓜

火龍果 紅酒牛柳粒

實驗結果係：唔好食既。醉雞同牛油果、鮮乳酪的味道係完全唔夾。好在做了兩手準備，也準備了一些大蝦。大蝦同上述兩者就夾到巖巖好。^^

少有地唔懶，自己用麵粉牛油起個白汁來煮意粉。不過，可能係因為手藝生疏了，麵粉的份量控制有點失準，白汁做得較傑...急凍大蝦也沒有事先用鹽、油、生粉醃好，因此蝦沒有味...幸而白汁的味還可以。香煎翠肉瓜就係因為之前一日在Pokka Cafe食晚飯時見人地咁整，於是有樣學樣。

參考了某次在酒樓見到別人的煮法，整左個凍的火龍果牛柳粒。火龍果起肉切粒，牛柳預先用紅酒、生抽、糖、鹽、香草醃過夜，再簡單地泡油。兩者撈埋放返上個火龍果殼上面，便大功告成。

到底我部300D相機隻火牛去左邊呢？宜家想叉電都無得叉...我估都應該係唔知邊次借左俾人用，用完無擺返隻牛落去啦...

以下係一宗失蹤個案呼籲。

大家o係二○○七年五至八月期間，有無見過一心部相機既火牛呢？呢隻火牛係深灰色，中等身裁，年約五歲左右，有一條約三四尺長既電線連住，電線既末端接駁住一個13A既插頭。插頭係三腳有水線，方腳既。失蹤當日佢係跟隨住個深藍色相機袋、相機一齊離開屋企，後來深藍色袋同相機一齊返左屋企，但係個火牛就不知所蹤，相信隻火牛係俾一心既朋友借左之後唔記得擺返入袋就還機。

你地o係上述既日子，有無試過o係自己屋企見過任何形跡可疑既火牛呢？隻火牛有無同你講野，話佢好想返屋企呢？佢講既係人話定牛話呢？有無懶音呢？任何人士，如果有我呢隻火牛既下落，請即同我地Lunashelter聯絡。

唔該曬。

九月尾打後的生活，大概可以用「公私兩忙」四個字簡概括之。

工作方面，除了要趕及在中秋節前推出鼠年運程書之外，手頭上也堆積了一大票的小說稿、商業書稿未做軸稿、校對的工作。私事方面，女友生日，也就必須做很多很多的慶祝準備。結果，九月廿二至十月一，索性取個大假跟她外遊一下，順便為自己叉叉電。

 九月最後一個星期，剛好疊住了中秋節翌日假期，接著的一個星期，又是十月一號國慶假，因此雖然只是取了五天半左右的假，加埋之前之後的星期六日，一口氣連放了十日。爽爆～真正體會甚麼是 Long Vacation～

墨西哥節表演 @ 小滸坊（愉景灣）
近期難得的攝影作品 - 完全係撞手神，咁巖Focus正個頭... :P

小食拼盤 @ Manta Ray 水滸坊
左起：炸魷魚圈、炸蝦定咩（好似係？唔記得）、沙律醬、三文魚沾汁、煙三文魚卷、吞拿魚春卷、燒八瓜魚仔

小龍蝦伴香桃牛油果配香檳忌廉汁 @ Manta Ray 水滸坊
很好味的頭盤。龍蝦好食之餘，中間那一幢白桃肉同牛油果肉，同香檳忌廉汁勁配，超香甜軟滑。旁邊的香橙雜飲都不錯。

白酒忌廉煮藍貝 配蒜茸多士 @ Manta Ray 水滸坊
當晚的主菜，很 Juicy 很滑的藍貝。令人非常滿足。

Foodcourt @ 澳門威尼斯人渡假村酒店
人多，而且ｄ野食一般，我地只有早餐幫趁過佢。不過室內佈置得像室外，都算係特色景點。附近運河有貢多拿船仔可以坐，不過收120蚊一位，我地當然無俾佢搵笨。

一入門口景 @ 一般套房 @ 澳門威尼斯人渡假村酒店
入到去真係嘩一聲叫左出黎。比想像中大的客房，從相片所見，左側落幾級樓梯仲有一個有梳化飯檯電視的偏廳...忍唔住要影番張雜誌介紹Feel的相留念。

洗手間 @ 一般套房 @ 澳門威尼斯人渡假村酒店
個洗手間有一個企缸、一個浸浴缸、一張大鏡梳妝檯、兩個分別有冷熱水的洗手盤，同埋一個獨立間隔，可以閂門的坐廁，真係洗手間都大過我屋企個廳（女友按：你屋企唔係好大，唔好成日拎黎同人比較 ^^）。

偏廳 @ 一般套房 @ 澳門威尼斯人渡假村酒店
梳化旁邊，有張書檯。上面有一部Brothers的多功能打印機，提供Print、Fax、Copy功能。房間仲有齊有線／無線上網配套。

飯檯 @ 一般套房 @ 澳門威尼斯人渡假村酒店
我地當晚叫左Room Service，晚飯就係在房內倚住落地玻璃慢慢食。

上年帶落黎既假，總算放了一大半，還有一些剩下的，留待十一月再去一轉台灣好了。至於今年的那些大假嗎？稍後再諗幾時放啦...你估我返工真係唔駛做咩...