有野忙緊，唔寫咁多。

這是今晚的晚餐：星州炒米，自己炒的～

食譜遲ｄ補番。

工作壓力大, 當然要做些無謂野減下壓.
結果, 我就再接左份無謂的Freelance回來幫補家計...

這次是做一本關於網上搵錢的書.
其實, 所謂網上搵錢, 方法來來去去都是那些老生常談而已.
不過, 不論是Adsense也好, CashFiesta之類睇廣告也好, Pay-to-Click點擊睇資廣告的計劃也好,
其實我也沒有很認真, 很堅持的試過...

今日想同大家介紹Bux.to這個PTC網站,
事先聲明, 我未收過呢個網站錢, 所以不能好似鬼佬咁硬銷你, 仲upload埋張cheque之類的image俾大家睇...
我會介紹佢, 係因為計落要投入落去的時間唔多. Bux.to每日會出十個廣告俾註冊左既會員睇,
每個睇完可以得到 US$0.01。每個廣告睇既時間係30秒, 即係一日都只係用5分鐘左右.

到儲夠US$10.00的時候就可以收錢. 也就是說, 如果單靠自己click,
沒有下線幫你的話, 應該三個零月左右就可以收錢.

其實我估d人覺得這些網上睇廣告唔work, 係因為無論佢地幾努力宣傳, 都搵唔到下線回來...
我想, 這情況在外國應該是少見的, 因為外國人好似無咁計較.

中國人好多時普遍既思維, 都比較自私同埋心胸窄...
好多時見到呢d賺錢野, 雖然心動想賺錢, 卻會諗:
"既然我都未賺到錢, 點解我要先俾錢你呢個上線賺?"
於是就自己重新申請, 唔填原本果條友做上線Referral, 損人不利己咁斷左個連繫,
破壞左個遊戲規則.

正所謂「剃人頭者, 人亦剃其頭」, 當個個人都係咁既心態既時候,
試問又點會work呢?

或者Bux.to自己都諗到呢個問題, 於是佢又度左個解決方法,
就係將果d無Referral上線既無主孤魂包裝起佢, 一Set Set咁叫賣.
買一個下線回來價錢大約是一蚊美金.
即係話, 你幾唔願意「自己未賺就俾人賺左先」都好,
Join得Bux.to個計劃都預左會令別人賺錢,
分別只係到底係俾個三九唔識七既上線賺?
定係先益左Bux.to賺一蚊, 然後再俾個買你做佢下線既人賺o者...

如果睇得通呢個問題既, 俾唔俾上線賺就無咩所謂啦.

要玩Bux.to, 要先申請個Payment Gateway.
以前佢地可以用Paypal, 不過自從Paypal的手續費越加越貴,
宜家Bux.to已經轉左用AlertPay.

AlertPay有個好處, 就係可以唔駛信用咭都用得,
收錢過數可以匯到香港既銀行a/c,
唔駛驚信用咭資料會洩露.
https://www.alertpay.com

Bux.to仲有好多其他佢稱聲可以令你收入增加的方法,
例如升級account之類, 雖說升級後一日可以睇多十個Ads,
不過要俾錢升級, 我自己睇完就唔係好建議試,
免得未見官先打八十大板...

大家如果唔介意, 也可以用我做Referral, 等我可以知道實情係work 唔 work的.
http://bux.to/?r=traeheno

呢個就係個網站本身的網址, 如果唔想俾我做Referral, 可以直接用這條link去佢網站申請.
http://bux.to/

話說，尋日上、下畫都要去見工。車程太趕，時間太匆忙，期間都沒有時間吃午飯。

下午在灣仔見完工，又要回葵芳舊公司把自己的兩箱 「遺物」領回。到可以跟舊老細坐下來食個Tea的時候，已經是下午五點幾六點鐘。下午茶時段未過，可是對於油多西多、菠蘿油咖喱角春卷熱狗飛碟、焗飯意粉 炸脾炸翼沙律薯條、炒粉麵那些下午茶餐，總是提不起興趣。反正主流東西之間拿不下主意，索性揀些冷門的，就點了個羅漢齋湯伊麵。

好好食。
羅漢齋，個人認為這道菜足以顯現出中國人的飲食文化和烹飪智慧。材料沒有嚴格規限，只要是齋菜便可。常見的有：雪耳、木耳、冬菇金菇等菌類、甘筍、葉菜，有時或會加入豆腐豆卜。主要都是一些粗貨，可是結合起來，竟是這樣的一種美味。

剛好家裡也有這些東西，今天把家裡打掃過一遍後，二話不說上網找食譜，自己做。

也許返新工之後，再沒有這般閒情逸致的了。


心齋

材料（大概是二人份量一碟咁上下）：
雪耳　　　　　一個。細細個的，浸起左會大，所以唔駛好多。
木耳（雲耳）　些少。我都唔知幾多，我諗有1/3至1/4個飯碗左右。
姬松茸　　　　些少。其實用其他菇會靚ｄ，不過屋企無，用佢頂住先，8至10隻都好夠。
甘筍　　　　　適量。我選擇用中國紅蘿蔔，切左一截出來用，大概是直徑2吋圓柱x高度1吋左右。
娃娃菜　　　　1/3棵。其實可以多ｄ，不過我一個人食，唔駛咁多啦。
薑片　　　　　三幾塊

調味料：
李錦記舊裝特級蠔油　　　1茶匙
糖　　　　　　　　　　　1茶匙
鹽　　　　　　　　　　　1/2茶匙
水　　　　　　　　　　　一杯（200毫升）
生粉水　　　　　　　　　適量

做法：
1. 雪耳用水浸軟，洗淨後瀝乾，撕碎成姆指指頭般大小。根部好黃果ｄ唔好要。
2. 雲耳浸透，洗淨後瀝乾，切成大概一蚊銀咁大。
3. 菇菌類洗淨浸軟，瀝乾去蒂，切成適當大小。
4. 甘筍切成約2cm x 4cm薄片。
5. 娃娃菜洗淨，切成跟甘筍差不多大小。
6. 雲耳加入1茶匙糖、少少麻油、生抽1茶匙撈均醃味。
7. 燒熱2湯匙油，炒香雲耳、雪耳和菇菌類，裝起備用。
8. 再燒1湯匙油，爆香薑片，加入甘筍及娃娃菜炒勻。再把之前的雲耳、雪耳和菇菌類倒回去兜勻。
9. 落調味料，加入1茶匙生粉開成的生粉水。猛火煮滾後轉慢火，蓋上鑊蓋炆10分鐘至汁水收乾，搞掂。

煮之前，我硬係好想切蒜頭，煮的時候，又硬係好想灒酒，硬係認為灒酒會香ｄ...呢ｄ可能就係齋口唔齋心了。^^

參考：
http://www.geocities.com/wongka_menu/vegetables/vege005