| 一心's profile一心訴說感覺PhotosBlogLists |  Tools  Help |
|
28 June 運氣，話唔o黎就唔o黎！ 昨晚第 72 期六合彩金多寶，四千一百幾萬既頭獎終於都俾人捧走左。少有地，為了這次金多寶；為了不放過任何一個令自己富有的機會，我在投注前竟做足功課，結果其中一注中個廿蚊安慰獎。因為前後買左三張半飛，埋單計數反而蝕左 50 蚊。
不少人都會預測六合彩黎緊一期開咩號碼。當然，會有好多人堅持相反意見：『咪玩啦，Random架嘛！每個波出現的機會均等，邊有得預測既呢！』如果有得預測，白小姐、曾道人一早發左，唔駛期期出書教人捉路啦！你估出書真係好易賺！？ 之但係，如果結果真係 Random 既話，經過一段長時間後，每個號碼的攪出次數應該好平均先岩，實情卻唔係呢回事，的而且確有好多號碼的出現機率高ｄ，有ｄ號碼就廿幾三十幾期先開得一兩次。根據馬會網頁公佈，由 2002 年 7 月至尋日為止，出現最多的號碼是 22 號，有 148 次；最少的則是 46 號，只攪出過 91 次。6 年間每年 150 次攪珠，最高和最低之間出現 50 多次的差距！如果話每個波的機會相等，其實真係講唔通。 就因為「每個波出現的機會不是均等」這個信念，有好多人竟然好有心機，以統計方式研究出好多理論／假說出黎。其中最多人相信的幾個理論，分別是： 1. 缺一門派別、2. 尾碼相同派、3. 重覆號碼派、4. 邊緣數理論；同埋 5. 近十期走勢分析、6. 聰明組合。這次我就好認真咁分析過「缺一門」理論，想同大家分享下自己既睇法。 何謂「缺一門」？ 「缺一門」其實係一種在過往六合彩攪出結果統計數據中觀察到的現象。當代最著名的支持者，是在 Yahoo! 有 Blog 的連理枝先生。他早在 2000 年，便留意到此現象。 要了解甚麼是「缺一門」，先要解釋「門」的觀念。現時的六合彩是由 49 個號碼組成的。如果把 0-9 號視為第一組、10-19 視為第二組、20-29 視為第三組，如此類推... 那所有號碼便可分成五組，稱之為「五門」。睇返以往開彩紀錄，好容易發現好多時每期開出的七個號碼（包括特別號碼），總不會包含全部五門。例如尋晚第 72 期，開 8, 33, 39, 40, 46, 48 + 24，就缺少了「10-19」那一門。 睇返過往的幾百期攪珠結果做統計後，會發現缺一門的情況，出現率的確達八成以上。如果投注時買少那 10 個唔開的號碼，咁就唔係在 49 個波內揀 6 個號碼；而係在 39 個波裡面揀 6 個波。就算你無買果一門而佢最後又開左，以每一門平均都係出一至兩個號碼而言，你在 39 個號碼中揀到 4 至 5 個號碼，贏面都較在 49 個號碼度揀高一點。 「係，80% 以上出現這情況，在統計層面係好 Significant。但係，我點知o黎緊果期會開少邊一門呢？」於是，在這個問題啟發下，連理枝再做左進一步的統計，分析如果呢期缺左某一門之後，咁下一期最常會缺的是哪一門呢？如是者，整個缺一門理論／假說便出爐了。據說，缺一門的選波方法不一定能增加上六合彩的機會率（始終係運氣主導），不過可以令你揀號碼時花少ｄ時間。 一心想講o既反而係，缺一門現象點解會有高達八成以上的出現率？咁神奇？ 其實深入分析之後，會發現呢個統計數據，有偷換概念之嫌。先唔好講能否正確預測下期缺哪一門，如果我把資料咁 Present，可能就會容易明白得多： 每期六合彩攪珠出現的可能性如下： 換一個角度講，每期攪珠唔出現缺一門現象的機會，約為 20% 以內（1 - 八成以上）。即係話，呢個「八成以上」，係由可能性一至四加總起來而成的。除返開，每個可能性平均機率也是 20% 左右。 「車！計完一大輪，原來五個可能性出現的機會幾乎是均等的。」沒錯，就是這麼一回事。整件事真係好鬼費城實驗：ｐ 好喇，缺一門現象原來無咩特別就算喇。咁買六合彩時，如果買少一門，又係咪一個好策略呢？又等一心俾個懶係科學既模型俾大家睇下： 假設，我地每期六合彩係在 5 組號碼裡面抽六個出來。為方便解釋，我地就用平均值計，當成每組裡面將會抽出 1.2 個波。唔好問我點樣每組抽果 0.2 個波，話明係模型，當然係唔真實既。 第一組 1.2 就當我地突登唔揀第五組。其實我地點揀波並唔影響攪珠結果，第五組依然有機會出果 1.2 個波（因為任何一組的機會仍是均等的）。只是，我地失去了中第五組波的機會。這可以視為開全門時，我地的投注情況。 第一組 1.2 你都仲有平均機會中晒 4.8 個波。好喇，如果唔係開全門，而係缺另一門呢？假設結果係缺第二組好了，你買左第二組的號碼，不過佢一個都無開過，咁唔代表果 1.2 的機會可以攤分到其他組別去。因為第二組你係有投注、有揀到波既，果 1.2 個波既機會即係變左 Sink Cost。 第一組 1.2 你平均最多中到 3.6 個字。根據以上模型話你知，用缺一門買六合彩，如果揀錯門，就算係幾好運，頭二三四獎都唔會有你份。其實，咁買六合彩要贏錢即係變成玩過兩關，第一關係要揀岩門唔買，5 揀 1，過左第一關之後，才是論理裡提到的 39 揀 6。 我數學麻麻，唔知咁樣計機會率有無錯（煩請 Miss 指正下 ^_^）： 仍是天文數字般的機會，我唔認為有幾大幫助就是了。下次有機會再同大家計下其他理論又有幾「堅」先！ 02 June 貓到底係食唔食蛋糕既呢？都真係好似好耐未Update過個Blog，都真係要浮上水面露個面先。雖然，我估都無咩人會留意我有無更新架喇。:P 近來忙咩呢？公司o野係其中一Part。一如所料，Trading生意o既開荒牛工作係沒有所謂「完成」的一日o既。老細開初提出o既目標達到之後，等住你o既總唔會係悠長假期同埋獲利分紅，而只會係更高更遠大o既目標，同埋更多做唔完o既任務。 私下方面，近期Apply左一份幾得意（同埋有虛榮感）o既Freelance工作，係幫一間愛爾蘭公司做o野。份工在正式聘用之前，需要申請人簽番份NDA，之後再考個試。考試合格先有得撈，唔合格就一世都唔會再考慮請你。因為呢個緣故，為o左呢一筆都幾可觀o既收入，呢兩個星期以來，我都係同果疊40幾頁o既考試Material戰鬥中... 工餘o既時間，間中會o係屋企整蛋糕。因為未學滿師，所以整o既都係無咩花巧o既海綿蛋糕而已。俾幾張成品相俾大家睇下：
同場加影小銀同金金對蛋糕的反應：
斷斷續續咁寫完呢篇Blog，之前提到o既考試，亦都終於告一段落喇，就等佢過幾日派成續表。希望Pass啦。Touchwood講句，如果一個人努力過後無任何回報，除o左「唔夠運」同「天無眼」之外，我真係諗唔到係咩原因。^_^ |
|
|
